GILITU AIPONGEZA SERIKALI YA AWAMU YA 6 KUBORESHA MAZINGIRA YA UWERKEZAJI ,AMUOMBA RC MNDEME KUWAHAMASISHA VIJANA WACHANGAMKIE FURSA KWENYE KILIMO SHINYANGA

z

Mhe.Mkuu wa mkoa wa Shinyanga Christina Mndeme akiwa na kurugenzi wa Kampuni ya Usindikaji Mafuta ya alizeti Gilitu Enterprises Ltd ya Mjini Shinyanga, 

Na Amo Blog Shinyanga  

Mkurugenzi wa Kampuni ya Usindikaji Mafuta ya Gilitu Enterprises Ltd ya Mjini Shinyanga, Gilitu Makula amemuomba mkuu wa mkoa wa Shinyanga kuhamasisha vijana kuwekeze katika Kilimo kutokana na kwamba kilimo ni biashara na Serikali imetoa kipaumbele kwa sekta ya kilimo ili kumkomboa mwananchi kiuchumi.

Makula ametoa rai hiyo Novemba 21,2023 wakati wa ziara ya Mhe.mkuu wa mkoa wa Shinyanga Christina Mndeme  kutembelea katika kiwanda hicho kinacho zalisha mafuta ya alizeti na kuongeza thamani ya maindi na mchele ambapo amejionea uwekezaji mkubwa wa Mwekezaji huyo mzawa ambaye anasindika mafuta ya alizeti na pamba, kuuza mashudu nje ya nchi na kutengeneza sabuni zitokanazo mazao hayo

Makula amesema Serikali ya awamu ya sita inayoongozwa na Rais Samia Suluhu Hassan imekipa kipaumbele kilimo na imekuwa bega kwa bega na wakulima kwa kutoa fedha kwa ajili ya ununuzi wa pembejeo za kilimo hali itakayo saidia sekta ya Kilimo kutoa ajira kwa vijana na kuleta maendeleo katika nchi.

 

Aidha amewataka wananchi wakiwemo vijana kulima zao la pamba na alizeti kwa tija ili kupata mazao mengi hali itakayosaidia kukabiliana na changamoto ya uhaba wa mafuta nchini akibainisha kuwa viwanda vya kusindika mafuta vipo tatizo ni upatikanaji wa mali ghafi kwa ajili ya kuendesha viwanda vilivyopo,hivyo malighafi zikipatikana za kutosha uhaba wa mafuta utakiwa historia 

 

Kwa upande wake Mhe,Mkuu wa mkoa amempongeza mwekezaji huyo na kuwaomba wanashinyanga kupenda kutumia bidhaa zinazo zalishwa na wazawa huku akiwasii wananchi kulima kilimo cha alizeti ,pamba na mahindi kwa kuwa soko la kuuza mazao yao lipo 

Pia Mhe.Mndeme amewasii wawekezaji kuwekeza Shinyanga kwa kuwa maeneo ya kuwekeza yapo ya kutosha na serikali imeboresha mazingira ya wawekezaji . 

Mhe.Mkuu wa mkoa wa Shinyanga Christina Mndeme akiwa na kurugenzi wa Kampuni ya Usindikaji Mafuta ya alizeti Gilitu Enterprises Ltd ya Mjini Shinyanga, 

Muonekano wa mafuta ya kupikia ya alizeti yanayozalishwa katika Kiwanda cha Gilitu Enterprises Ltd Mjini Shinyanga

Muonekano wa mafuta ya kupikia ya alizeti yanayozalishwa katika Kiwanda cha Gilitu Enterprises Ltd Mjini Shinyanga

Muonekano wa mtambo wa Solvent wa kukamua mafuta ya pamba uliopo kwenye Kampuni ya Usindikaji Mafuta ya Gilitu Enterprises Ltd ya Mjini Shinyanga